പേരൂര്‍ കരുനല്ലൂര്‍ ഭഗവതി ക്ഷേത്രത്തിന് തെക്ക് ഏലായുടെ കിഴക്കേക്കരയില്‍ സ്ഥിതിചെയ്തിരുന്ന കല്ലുവിള പ്രൈവറ്റ് സ്ക്കൂള്‍ 1944 ല്‍ വൈ. എം. വി. എ വായനശാലയിലും തുടര്‍ന്ന് ഇവിടേയ്ക്കും മാറ്റിസ്ഥാപിച്ചു. അന്ന് സ്ക്കൂളിന്റെ മാനേജരും എച്ച് എം ഉം ആയിരുന്നത് ശ്രീ. കുഞ്ഞന്‍പിള്ള സാര്‍ ആയിരുന്നു. തുടര്‍ന്ന് കാവറവടക്കതില്‍ ശ്രീ ആര്‍ ദാമോദരന്‍ പിള്ള സാര്‍ ഇത് വിലയ്ക്കു വാങ്ങി. അദ്ദേഹം ഇവിടെ ആക്ടിംഗ് അസിസ്റ്റന്‍റായി ജോലി ചെയ്തു. തുടര്‍ന്ന് അദ്ധ്യാപകനായി ജോലി ചെയ്തു. സ്വന്തം വീട്ടുപുരയിടത്തില്‍ സ്ക്കുള്‍ ഷെഡു കെട്ടാനും അതിനാവശ്യമായ തുക സംഭാവന നല്‍കാനും തയ്യാറായത് കല്ലുവിള പുത്തന്‍ വീട്ടില്‍ ശ്രീ. കെ .നാരായണപിള്ളയാണ്. തുടര്‍ന്ന് ഈ സ്ക്കൂള്‍മീനാക്ഷിവിലാസം ക്ഷേത്രത്തിന് തെക്കുവശത്തുള്ള ശ്രീ ആര്‍ ദാമോദരന്‍ പിള്ള സാറിന്‍റെ കുടുംബവക പുരയിടത്തിനു സമീപം ഉള്ള പറമ്പിലേക്കു മാറ്റി സ്ഥാപിച്ചു. ഈ സ്ക്കൂളിന് മീനാക്ഷിദേവിയുടെ പേരിടുകയും പേരുമാറ്റരുതെന്ന നിബന്ധനയോടുകൂടി 1947ല്‍ സര്‍ക്കാരിന് സറണ്ടര്‍ ചെയ്യുകയും ചെയ്തു. 1966ല്‍ ഹൈസ്ക്കൂളായി ഉയര്‍ത്തി. 1974ജൂണില്‍ ഇത് എം.വി.ജി.എല്‍. പി എസ്. എന്നും എം.വി.ജി.എച്ച്.എസ് എന്നും രണ്ടായി പ്രവര്‍ത്തിച്ചു തുടങ്ങി. 1993 ല്‍ എം വി ജി എച്ച്. എസ് .ല്‍ വൊക്കേഷണല്‍ ഹയര്‍സെക്കണ്ടറി കോഴ്സ് അനുവദിക്കുകയും വൊക്കേഷണല്‍ ഹയര്‍സെക്കണ്ടറി സ്കൂളായി മാറുകയും ചെയ്തു. 2000 ഒക്ടോബര്‍ മാസത്തില്‍ ഹയര്‍സെക്കണ്ടറി സ്കൂളായി. ഇന്ത്യയ്ക്ക് സ്വാതന്ത്ര്യം കിട്ടുന്നതിനു മുമ്പ് ആരംഭിച്ച ഈ സ്ക്കൂളില്‍ പേരൂര്‍,കൊറ്റംകര, പുന്തലത്താഴം, കിളികൊല്ലൂര്‍ തുടങ്ങിയ പ്രദേശങ്ങളിലെ സാധാരണക്കാരുടെ കുട്ടികളാണ് പഠിക്കുന്നത്.
No comments:
Post a Comment